Қазақстан халқына арнаған жаңа Жолдауында Қасым-Жомарт Тоқаев

Қазақстан халқына арнаған жаңа Жолдауында Қасым-Жомарт Тоқаев «Мемлекеттік сатып алу туралы» жаңа заң қабылданатынын жеткізді. Оның аясында мемлекеттен көмек алатын бизнес өкілдерін анықтайтын автоматты жүйе енгізіліп, мемлекеттік сатып алудың жаңа жүйесі жасалады. Мемлекеттік және квазимемлекеттік сатып алу бірыңғай платформаға көшіріледі. Сонымен қатар, бағаның төмен болуы ғана емес, тауарлар мен қызметтердің сапасы басты назарда болатынын айтып, осындай тапсырма жүктеді.
Мемлекет қаржылай қолдау жасаған кезде бәсекеге қабілетті шағын және орта бизнес өкілдеріне баса мән беретінін тағы да атап өткен Президент еңбекақы төлеу қорын көбейткен және салық төлемдерін арттырған кәсіпорындарға қолдау көрсетілетініне назар аудару басты талап екенін баса айтты.
Президенттің бүгінгі Жолдауында ел үшін аса өзекті мәселелер көтерілді. Олардың шешілуі Жаңа Қазақстанның басты қағидаттары - демократиялылық пен ашықтыққа, заңның үстемдігіне негізделеді.
Р.Қошқарбаев атындағы орта мектебінің директоры Ш.Шарықбаева