«Ұстаз аты – биік, әрі мәңгілік » салтанатты іс-шара

Қаратал аудан әкімі Ұ.Досымбековтың қатысуымен, Қаратал аудандық білім бөлімінің ұйымдастыруымен 9 қазан күні аудандық мәдениет үйінде «Ұстаз аты – биік, әрі мәңгілік » салтанатты іс-шара өтті. Мерекелік іс-шараға 300 жүық ұстаздар қатысты.
Мерекелік іс-шарада Қаратал ауданының әкімі Ұлан Әлдібекұлы, ұстаздарды мерекемен құттықтап, ауданда бүгінгі күні атқарылып жатқан жұмыстарына тоқталып, аудан, облыс деңгейінде білім саласында ұрпақ тәрбиесі жолындағы елеулі еңбектерін ескеріп, бірқатар ұстаздарды Құрмет грамотасымен марапаттады..
Салтанатты іс шарада «Оқу ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің Қаратал аудандық филиал төрағасы Берік Абақов ұстаздарды мерекесімен құттықтап, Панфилов, Кемел Тоқаев атындағы орта мектебінің ардагер ұстаздарға Т.Инаханов, А.Шмелеваға Қазақстан Республикасының оқу-ағарту министрлігінің Алғыс хатымен, М.Горький, А.Байтұрсынов атындағы орта мектеп директорлары Ж.Төлегенов, А.Избасаров және Ж.Молдағадиев атындағы орта мектеп ұстазы Ж.Уруспаеваны «Қазақстандық оқу-ағарту, ғылым және жоғары білім қызметкерлерінің салалық кәсіптік одағы» қоғамдық бірлестігінің төс белгісімен, Қарашенгел орталау мектебінің директоры Р.Кенебаеваны «Қазақстандық оқу-ағарту, ғылым және жоғары білім қызметкерлерінің салалық кәсіптік одағы» қоғамдық бірлестігінің Құрмет грамотасымен және кәсіподақ жұмысына белсенді қатысқан ұстаздарды марапаттады.
Мерекеліқ іс-шара мерекелік концертпен жалғасты.