«Отбасындағы зорлық-зомбылықсыз Қазақстан» пилоттық жобасын іске асыру бойынша семинар

«Қоғамдағы зорлық-зомбылық деңгейіне әсер ететін бірнеше фактор бар. Бұл ең алдымен, әлеуметтік және еңбек тұрақсыздығы, өмірде өз бағытын жоғалту, отбасылық құндылықтардың төмендеуі. Сондай-ақ осы мәселеде мемлекеттік органдардың өзара әрекетінің жеткіліксіздігі, отбасы институтының әлсіреуі, маскүнемдік, нашақорлық және тағы да басқа проблемалар мәселеге бірден-бір себеп.
Р.Қошқарбаев атындағы орта мектебінде аудандық ішкі саясат, мәдениет, тілдерді дамыту және спорт бөлімі мен Жәңгір қоғамдық қорының ұйымдастыруымен Отбасы институтын нығайтуға, отбасылық құндылықтарды ілгерілетуге, репродуктивті денсаулықты нығайтуға, сондай-ақ гендерлік теңдікті ілгерілету барысында «Отбасындағы зорлық-зомбылықсыз Қазақстан» пилоттық жобасын іске асыру бойынша семинар өткізілді.
Семинарға аудандық аналар кеңесінің төрайымы Досмолданова Ұлболсын Тойлыбайқызы мен психолог маман Рахметова Алма Сәлімқызы, Ескелді ауылдық округі аналар кеңесінің төрайымы мен ақсақалдар алқасының төрағасы қатысты.