09
декабрь
2022
Бейсен Құранбек атындағы облыстық шығармашылық байқауы 2022
Жетісу облысы білім басқармасы, «Жетісу дарыны» облыстық дарынды балалар мен талантты жастарды анықтау және қолдау оқу-әдістемелік орталығы мектеп оқушыларының арасынан шығармашылық, интеллектуалдық қабілеті бар, сөз мәдениеті дамыған, журналист, тележүргізуші, публицист және ақын-жазушы болғысы келетін дарынды оқушыларды анықтау және қолдау мақсатында 8,9 – желтоқсан күндері Бейсен Құранбек атындағы облыстық шығармашылық байқауының ІІ кезеңін ұйымдастырды. Аудандық кезеңнен іріктеліп, жұмыстары үздік деп танылған Жамбыл атындағы ОМ оқушылары Мақсатқызы Дидар, Қуатбекұлы Қазыкен, Р.Қошқарбаев атындағы ОМ оқушысы Тілектесқызы Назар, Лермонтов атындағы ОМ оқушысы Еренғайыпова Альмира атты оқушылардан құралған «Қаратал білгірлері» тобы «Жетісу дарыны» орталығы ұйымдастырған «Жетісу» телеарнасына саяхатқа қатысып, «My bottle» интеллектуалды ойынында жоғарғы белсенділік тантып, жүлделі ІІ орынды ұтып алды. Облыстық байқаудың жалпы қорытындысы бойынша Жамбыл атындағы ОМ 7-сынып оқушысы Қуатбекұлы Қазыкен «Үздік арнау» бөлімі бойынша ІІІ-орынды иеленіп, 50 мың теңге ақшалай сыйлық алды. Жоғарыдағы аталған басқа қатысушыларға «Алғыс хаттар» тапсырылып, Бейсен Құранбек туралы кітаптар сыйға берілді.