5-9 сынып оқушыларының қатысуымен «Кейіпкердің сөзін тап» атты көңілді үзіліс

Мектебімізде 5-9 сынып оқушыларының қатысуымен «Кейіпкердің сөзін тап» атты көңілді үзіліс ұйымдастырылды. Шараның мақсаты – оқушылардың әдебиетке деген қызығушылығын арттыру, көркем шығарма кейіпкерлерін тануға баулу және логикалық ойлау қабілетін дамыту.
Көңілді үзіліс барысында оқушыларға қазақ әдебиетіндегі танымал кейіпкерлердің сөздері оқылып, сол кейіпкердің кім екенін табу тапсырмасы берілді. Әр дұрыс жауап берген оқушыға шағын марапаттар мен мадақтамалар табысталды.
Іс-шара белсенді, қызықты форматта өтті. Оқушылар өз білімдерін ортаға салып, достарымен жарыса жауап берді. Бұл үзіліс оқушылардың есте сақтау қабілетін дамытып, қазақ әдебиеті бойынша білімдерін тереңдетуге ықпал етті.

Бейне материалды тамашалаңыз